博多拉麵別天神 (已結業)

泥到銅鑼灣搵拉麵食，選擇都真係唔少。不過我就獨愛告士打道海傍呢間『別天神』，可能就係中意佢夠逼夾，食起上泥真係有啲似去左日本既細拉麵鋪咁。講笑啦，係佢個拉麵真係有番咁上下水準既。我食開就係豬骨湯叉燒拉麵，再加隻半熟蛋。而我食之前會先跟佢枱面既指示，加埋蒜蓉同辣牙菜，湯底會即刻濃味好多😋😋湯底好味，成個拉麵就即刻加晒分。不過唯一要彈既係叉燒，今次食落有啲乾身，唔夠稔。如果叉燒既質素可以改善下，咁成碗麵就perfect喇！