越味屋 (好旺洋樓) (已搬遷) 新店位置

叫咗豬頸肉法包，炸春捲同葱油雞扒煎蛋飯。法包夠脆，蔬菜餡種類同量都多，食到最後一啖都有肉，醬汁幾惹味，超級抵食，可以多少少肝醬就perfect la。春捲餡料夠多，調味啱啱好，包埋生菜食，脆口又唔覺太油，點埋汁酸酸地口感更清新，$30有4條(8件)春捲，物超所值相對葱油雞扒煎蛋飯就比較遜色，雞扒同蛋都少少乾，味道一般。不過唔係佢主要嘅越式菜色所以都可以理解嘅。如果賣返越式嘅飯類可能會好啲，例如香茅雞翼飯之類。