南龍粥店

营业中

休息中

加料紅豆粽星期五中午去旺角探家姐， 路過此粥店， 在門外聞到香噴噴的氣味 ，門口的粽子大大隻，外型飽滿， 吸引我買咗兩隻回家，到了星期六晚餐時間蒸咗一隻紅豆粽， 一家四口，分咗四份，每人食一份， 大家都覺得味道不俗，以呢個價錢有呢個份量用質素，有機會可以 encore，只是細女問:「點解我隻粽裏面有咁多黑色物體」， 我一看 ，非常震驚， 發現一隻相當完整而且幾大隻的小強，各人頓時說不出話來， 心裏面出現咗首歌：「講不出聲講不出聲，任由自己半夜驚醒 」只能夠一起祈禱，希望假期能夠好好在家休息，不需要到醫院渡過，立即上嚟openrice看看，原來此店早有前科，希望大家見到這篇文章日後 自己衡量風險，萬事小心 ，更希望負責人能夠盡快改善衛生情況，食物食落肚裏面唔可以講笑，我哋即時於當晚聯絡食環署，報告有關事情，希望佢地可以改善，始終我哋都覺得佢嘅粽係好食嘅，都希望街坊可以繼續說道好味又經濟實惠嘅嘢食，而食環署都表示會到該店跟進有關問題，佢哋都跟進得好快。