影片
更多
2008-09-06
7 浏览
久仰大名，原本同家姐姐夫一起光顧，但係佢地起唔到早身，唯有帶同父母同小朋友一齊到來呢間老牌茶樓飲早茶！7:30分來到，四處係人…好多阿叔阿伯阿嬸打 "等" 吹水睇報紙，我地一行四人要搵位確實不易。走左幾個圈約10分鐘都無大枱人走，只有一兩個位一兩個位空出…無計，實情又大多人搵位，決定分開坐........ 父母坐左一張枱，叫左茶無耐，我同小朋友就坐左另一張枱，未叫茶時隔離個好心阿伯見我地眼望望，問我地幾位，佢原來就快走，於是我地就叫埋老豆老母一齊坐…好彩！用茶盎，好特別…呢到賣懷舊食物、懷舊環境…同枱地膽阿叔阿嬸見我地四人生面口，口沬橫飛咁不停同我地講呢間茶樓背景，好搞笑！1. 茶﹕不錯，起碼好過一般茶樓好多好多！2. 沙翁﹕新鮮出爐好搶手…鬆化好味道3. 豬肚燒賣﹕豬肚唔爽唔新鮮…失望！4. 魚鬆札﹕阿婆極力推介…但係我就覺得一般5. 大包﹕正…賣相好醜怪，但係足料程度超番想像，非常大個扺食！6. 馬拉榚﹕同枱阿婆話退步左，但係我同小朋友覺得幾好食，阿媽話有發粉味！7. 蓮茸包﹕阿媽話好香，但係我覺得一般，黃蓮茸，香但孩口。8. 豬潤燒賣﹕阿婆又話退步左…我覺得直情差，
7:30分來到，四處係人…好多阿叔阿伯阿嬸打 "等" 吹水睇報紙，我地一行四人要搵位確實不易。
走左幾個圈約10分鐘都無大枱人走，只有一兩個位一兩個位空出…無計，實情又大多人搵位，決定分開坐........ 父母坐左一張枱，叫左茶無耐，我同小朋友就坐左另一張枱，未叫茶時隔離個好心阿伯見我地眼望望，問我地幾位，佢原來就快走，於是我地就叫埋老豆老母一齊坐…好彩！
用茶盎，好特別…呢到賣懷舊食物、懷舊環境…同枱地膽阿叔阿嬸見我地四人生面口，口沬橫飛咁不停同我地講呢間茶樓背景，好搞笑！
1. 茶﹕不錯，起碼好過一般茶樓好多好多！
2. 沙翁﹕新鮮出爐好搶手…鬆化好味道
3. 豬肚燒賣﹕豬肚唔爽唔新鮮…失望！
4. 魚鬆札﹕阿婆極力推介…但係我就覺得一般
5. 大包﹕正…賣相好醜怪，但係足料程度超番想像，非常大個扺食！
6. 馬拉榚﹕同枱阿婆話退步左，但係我同小朋友覺得幾好食，阿媽話有發粉味！
7. 蓮茸包﹕阿媽話好香，但係我覺得一般，黃蓮茸，香但孩口。
8. 豬潤燒賣﹕阿婆又話退步左…我覺得直情差，豬潤大塊但乾孩口…好唔掂。
9. 灌湯餃﹕湯幾香幾好味，不過食得出有味精，足料好味道！
其實食左4樣野已經飽，但係阿婆同阿叔係咁話呢樣好食…果樣好食…唉！
呢 d 地方，都唔好諗住有服務，無比 d 點心阿姑小你都偷笑，揀親點心都黑面！
味道唔可以話好好食，但係大件同抵食，有特色，好過去一般酒樓飲茶！
张贴