老川皇

营业中

休息中

身邊幾班朋友都幾鍾意食辣，當然我都覺得辣辣地先開胃🤤。今天老友約我食晚飯，去到旺角等佢，一見佢佢就話不如食辣😂😂。又好，就試下佢推介。老川皇呢個位置行就有經過，但上去食真係未上過。老友話佢食開呢度有個 鮮花椒桂花魚，話必食推介添！我就叫左個涼伴牛肚同泡椒雞腎，另外再加一個手撕包菜同干鍋肥腸。上到枱試左兩個小食先，泡椒雞腎好入味，唔係好辣但有泡椒味，腎唔韌又好有口感，送酒一流。個牛肚更好，有我愛既芫荽配住，牛肚切薄片，吸得到啲麻辣醬汁，食唔停口！鮮花椒桂花魚呢個真係唔簡單！魚肉嫩滑有口感，配菜有萵筍同酸蘿蔔，兩樣都好吸湯味。飲啖湯，酸酸辣辣真係飲左幾碗。不過呢個干鍋肥腸就平凡左啲，又唔係唔好食，係相比之下就普通姐。