有間客棧 (已結業)

古法紅燒肉。肉質肥瘦適中，瘦肉爽口甘香，肥肉入口即溶，肥而不膩，醬汁偏甜，份量十足。糖醋魚。外皮炸到好酥脆，但裡面嘅肉質鮮嫩，魚骨少，啱晒我呢啲怕骨之人。蘸上酸酸甜甜嘅醬汁一齊食，好開胃。水煮牛肉。湯面蒲滿辣椒芫茜，盡管只係叫咗小辣，辣味撲鼻，刺激口水分泌。除咗主角牛肉，其他配菜仲有豆卜，芽菜，木耳同薯粉。牛肉爽口嫩滑，豆卜索滿湯汁好入味，薯粉彈牙。乾煸四季豆。豆質嫩，炒得乾身得嚟又唔油膩，恰到好處，口感唔錯，美中不足係鹽味唔夠，略嫌唔夠惹味。