美味小鮮肉 (已結業)

自家製潮州豬肉餅好食星期日出旺角買game，下到攰攰地又肚餓，去女人街睇下有咩岩食。見到呢間餐廳門口寫住有一人邊爐食，所以就入去睇下。佢地的一人邊爐都好似幾多野食，但係夜晚又約左屋企人早食飯，所以就只係叫左碗粉食下，唯有下次再試佢地的邊爐。潮州豬肉餅牛筋河，初初以為豬肉餅就真係好似平時食蒸肉餅咁，原來係好似魚片的豬肉餅。豬肉餅味道幾鮮，而且都幾彈牙，冇諗過食豬肉丸都可以魚片方式食到。牛筋睇落好似冇咩顏色，以為會冇味，但原來好濃牛味，而且幾彈牙，幾黏口。叫粉麵就可以以平平地價錢多一杯野飲，凍檸茶夠酸夠澀，唔會太淡