星記海鮮飯店 (The Phoenix) (已結業)

今日午餐想食飽啲，所以揀左去食小菜，因為食親小菜都會好飽，所以今日去試新小菜店（本人都幾鍾意食小菜😁）。三個人食，叫左兩餸一飯。雙蝦粉絲煲既粉絲係乾身的，唔濕、我鍾意，微微辣，幾惹味。鳳梨炒肉排，皮幾脆，酸酸甜甜幾好味。美中不足既係我地食呢碟比較肥，七成都偏肥，如果係瘦就更加好味，可惜、可惜。牛肉鬆炒飯好大碟，唔係講笑，真係好大碟，最後食唔晒要打包😂。佢既炒飯粒粒均勻，味道岩岩好，唔會鹹。賣單先知原來有甜品送，係熱既陳皮紅豆沙，陳皮味幾香，幾好味。