譚仔三哥米線 (啟田大廈)

营业中

休息中

老婆今日又同班姊妹去食飯，掉低我一個。喺我嘅字典中，男人的浪漫除咗豆腐火腩飯外仲有三哥米線。今日叫咗湖辣五小辣，加豆卜同雞肉，走牙菜。會揀三哥而唔揀另外嗰間最主要都係因為三哥嘅湯底選擇較多。胡辣湯底比較重胡椒味好香口。雞肉能煮得保持嫩滑，配埋爽口彈牙嘅米線真系冇得頂。今日比較肚餓所以另外叫咗三隻土匪雞翼。土匪雞翼獨有嘅香味真系喺屋企冇可能整得返，而且煎焗得外脆內嫩，真係教我如何可以不愛它！而且仲有免費贈飲凍飲一杯。兩餸米線加三隻雞翼仲有一杯凍飲，都只係56蚊，經濟實惠又好食。