桃園眷村 (已結業)

我好鍾意食豆製品，但係有時啲豆漿豆花有陣燶味就令我好失望。功夫辣雞腿燒餅燒餅好薄而且香脆，裏面夾着雞扒、番茄同埋生菜。雖然話係辣雞腿但係個汁唔係好辣。呢個雞腿係有汁嘅，所以個燒餅整體上都唔太乾。滷肉蛋飯團呢個就似上海嗰啲粢飯，不過裏面啲餡呢就有唔同嘅配搭。我哋就揀咗滷肉同埋蛋。滷肉有啲少不過都入味，但係我就鍾意傳統個隻粢飯多啲，因為有油炸鬼喺裏面，就多咗1份嘅香脆冇咁濟嘅感覺鹹豆腐花😋😋到咗我最期待嘅豆腐花。呢個豆花有紫菜、肉鬆、榨菜。豆腐花有豆味，而且冇燶味，夾埋其他配料一齊食，真係好好味，直得推介。