譚仔雲南米線 (The LOHAS康城)

营业中

休息中

平日經過康城呢間譚仔，長期都一堆人排隊或者等外賣，一直冇機會試吓。今日經過難得見冇乜人，終於入去試吓。因為唔太肚餓，兩個人叫咗一大碗過橋米線，貪佢咩餸都有啲，另外再加咗個招牌土匪雞翼。過橋米線大大碗，都算足料，兩個人都夠食。我哋唔係幾食得辣，所以要咗清湯，味道幾好。招牌土匪雞翼，略嫌有少少燶，但都好味嘅。呢間裝修設計同一般嘅譚仔有啲分別，好modern, 環境都好舒服。姐姐都好親切好有禮貌，上菜速度好亦都好快。