越旺美食 (已搬遷) 新店位置

去咗大角咀一間出名食平民咖哩的小店，已經係晚上10點幾啦，不過仲未關門。店雖小不過座位都算骨子，環境舒適。店員態度友善，亦唔會趕客。我地點了一個越式咖喱牛腩牛筋配薄餅，同埋一碟蒜蓉炒通菜。咖喱叫咗小辣，咖喱送上嚟時賣相非常吸引，咖喱味香噴噴。試吓啲牛腩先，牛腩炆得好稔，一啲都唔靭，而且非常入味。薄餅沾咖喱汁嚟食都好好食，不過感覺有啲油膩，如果配以白飯可能會冇咁飽滯。通菜亦炒得十分惹味，汁帶點甜味。以呢一個價錢去食到呢個質素嘅食物，真係物超所值。一定會返嚟試下其他菜式，相信一定會有驚喜。