五要素食堂 (已結業)

Happy Friday趕住同朋友睇演唱會，諗住收工喺尖沙咀快食！舊年都同其他朋友食過呢間五要素食堂，今次要encore一下🤩 因為無book位(餐廳內嘅枱好似係留俾有book位嘅客人)，所以店員安排咗我同朋友坐餐廳外(商場地磚位)嘅bench枱位置～ 我哋無乜所謂，反正好快食完就走，而且出面都坐得幾舒服，bench枱前面嘅板夠高身，私隱度好充足！我哋各自都點咗一份黑毛和牛溫泉玉子丼😋 本來想試和牛burger㗎，不過等下次唔趕時間再試，今次食丼飯比較輕鬆無咁煩🙈 啲和牛燒得恰到好處！好香～ 加埋啲汁同溫泉玉子撈飯食，正😋 仲有幾塊脆蒜片、一堆沙律菜同小塊檸檬可滴汁，小清新咁～ 本身仲諗住可能要叫小食同朋友share，但估唔到食完個飯已經夠晒飽！餐點食物中價，但物有所值嘅！推薦呢間餐廳👍🏻