阿木台灣麵 (豉油街) (已搬遷) 新店位置

次次經過依間餐廳都見到人龍好長，就知道依間係間美食店。今次有好多時間係旺角，所以就排隊去試下，原來可以上GULU攞定飛，可以唔洗等咁耐。今次叫肉燥拌麵便當配炸排骨，已經好耐冇食過台式拌麵，今次就點依個餐，佢嘅麵係爽口彈牙, 仲有新鮮爽口嘅青瓜絲, 佢嘅肉燥幾好味，肉粒唔會太肥，令到成個麵香噴噴。佢嘅配菜都好味，特別係酸菜粒，同麵一齊食都好正。佢嘅炸排骨係熱辣辣，啖啖咬落去係香脆，肥瘦啱啱好。滷豬耳係好常見嘅台灣小食，豬耳膠質好豐富，入口軟滑又有脆骨，口感好特別。老滷汁令味道更鮮香醇厚。依間餐廳嘅豬耳比較淋，切到小小條，一啖就可以食到幾條。依家疫情關係，好多人都會鍾意係屋企煮，但有時好懶，但又想食好食嘅野，就可以買依D簡易方便料理包。