達順辣蟹火鍋 (已易手) 新餐厅

上星期經過， 見剛開張， 昨晚放工就約同事一齊試吓間新食店有散叫及$198海鮮粥底火鍋，2個人，就食粥底最驚喜是一坐低就有免費送乳鴿，經理話是新開期內才有送乳鴿係枱面仲有張時間表， 教要煮多少時間請記得， 個餐無水供應， 要叫飲料， 但啲酸梅湯好平， 每勺$28.00, 好抵飲海鮮都好新鮮， 原來呢間之老板係呢條街有幾間海鮮酒家， 所以貨源充足， 都可保証海鮮新鮮👍👍食完海鮮， 還有8款火鍋料食， 其中五花肥牛好正， 記得要點最後到落粥時， 仲有伙記專門幫手整， 啲粥有海鮮味， 好好味， 每人都食咗3小碗呢餐真係食得好飽， 到結帳時才知新張其內至8月底， 有9折優惠，真係超抵食👍👍