老厝邊

营业中

休息中

老厝邊即係台語老鄰居嘅意思，餐廳環境有台灣古早味風。食物選擇幾多，蛋餅、炸物、涼菜、麵類、便當等等，仲有好多款飲品。餐廳係銅鑼灣、大角咀同荃灣都有分店。三間都試過，encore之選。薯餅起司蛋餅 $38好少見呢個配搭，今次終於試左，有驚喜。蛋餅皮一如既往煎到金黃色，煙煙韌韌。入面有薯餅同勁多芝士，綿綿嘅芝士配香脆嘅薯餅，口感唔錯。配埋甜甜地嘅醬汁，食落幾夾。香酥炸排骨 $38驚太飽無嗌便當，單點左排骨，勁大塊！好易咬，但唔會過淋。外層炸到好酥脆又唔會太乾。調味唔錯。塔香鹹酥雞 $40雞肉好滑好juicy，又係炸得好脆，仲有九層塔嘅香味。香蔥油乾拌麵 $42蔥油味好香，勁大碗。所以飲品都可以揀甜品同冰嘅份量，仲可以加配料。