Shaz Confections (已結業)

以前仲係網店嘅時候，就有支持佢嘅鏡面蛋糕。最近朋友生日，咁啱佢又好鍾意食焦糖海鹽，咁就買咗舖頭入邊呢一款蛋糕做生日禮物。打卡嚟講真係都幾唔錯，幾鍾意佢嘅lotus餅困住蛋糕邊。雖然面頭嘅餅乾已經唔脆，但邊位嘅餅乾碎仲係脆卜卜，令到成個蛋糕嘅口感唔會太單調。海綿蛋糕都夠晒濕潤，而因為加咗海鹽嘅緣故，啲忌廉都唔會太甜，覺得啱啱好，但如果係鍾意食好多忌廉嘅朋友就未必啱呢一款蛋糕。四個人一齊分享其實都幾夠食，抵買！