濟州燒肉食堂

营业中

休息中

放工去德福行街，知道德福二期上年開咗個新food court ，但一直都冇幫襯過，今日心血來潮想試吓新野！呢間燒肉喺food court入口附近，離遠已經聞到香噴噴嘅味道，就俾佢吸引咗過去啦！呢間燒肉係韓燒嘅路線，一坐低，店員即刻主動幫手加泡菜蛋漿同埋粟米芝士。我哋兩個人叫咗一碟和牛五花，同埋一個牛燒肉飯套餐。和牛五花真係好好味！一向都鍾意食牛五花嘅部位，貪佢多肉同埋嫰滑。今次都唔例外，牛味夠濃，啲醬汁醃得好入味，最重要唔多筋位，食落牛脂感爆棚！牛燒肉飯同樣都好出色！牛肉肥瘦啱啱好，而且配菜夠澎湃，好似食緊石鍋拌飯咁，中間嗰隻溫泉蛋簡直係畫龍點睛，依家都仲回味緊！下次嚟德福食燒肉，除咗牛角之外，極力推介呢間濟州燒肉食堂！