海南雞專門店

营业中

休息中

有時放假都會行去鄰近西灣河站嘅太安樓買嘢食，買半隻海南雞($82)另加雞腎(+$5)返屋企做餸，亦試過加碗油飯外賣($15)，雖然呢間舖頭加過好多次價，不過價錢仍然比起好多有賣海南雞飯嘅店舖嚟講，真係唔止平咁簡單，啲雞肉仲滑好多，配埋啲醬料，簡直就好味都無得彈。如果唔想買半隻雞咁多嘅朋友，我都會建議佢哋可以試下買一個海南雞飯，可以坐係對面間舖位堂食，當然亦可以外賣，價錢都只係$30就可以知道點解有咁多人要排隊啦，而且身邊亦有好多朋友住係對面海都過海嚟買海南雞飯，又一證明真係平靚正！