影片
更多
2023-02-20
1611 浏览
相約朋友去到大圍踏單車，晚飯時間見到每間餐廳都好多人，朋友想食越南菜，見到呢間我既越南菜飯堂之選原來連大圍都有分店，當然要支持一下。大約6:30到達餐廳門外都已經坐滿人，好彩岩岩好有一枱客人離開最後唔駛等。餐牌食物選擇夠多，而價錢亦都非常親民，$100以下都已經可以有主菜加小食。飲品我哋點咗一杯珍多冰，一杯鹹檸七，杯嘢好大杯，一杯飲品，兩份飲都絕對夠飲，而珍多冰佢做得好好，唔會太甜又好咬口。極品牛三寶湯河粉，一碗有齊晒多種口味，包括生牛肉，牛展，同埋牛丸，配上湯檬，份量非常大，而佢亦都會配埋啲辣椒同埋青檸俾我哋去調味，辣椒我就落咗一半都已經好辣，湯底亦都好濃郁好夠味。朋友就點咗越或河內三寶飯，有豬扒雞翼同埋扎肉，偷食咗塊豬扒，先得好好，同埋已經醃咗香茅，香脆得來好Juice，如果個飯多啲蔥油會更Perfect。小食配咗豬頸肉，只係加咗$32就已經有有好大碟，豬頸肉同樣出色，望落去好似賣相唔係太吸引，有啲乾嘅感覺，但係識落就完全唔一樣，肉質Juice，個皮煎剪得好香脆有炭燒感，唔使點甜酸醬已經好好味。越式炸春卷$23有兩件，餡料夠多夠大份，而且熱辣辣，正！埋單，每人大約$100，絕對係大
大約6:30到達餐廳門外都已經坐滿人，好彩岩岩好有一枱客人離開最後唔駛等。
餐牌食物選擇夠多，而價錢亦都非常親民，$100以下都已經可以有主菜加小食。
飲品我哋點咗一杯珍多冰，一杯鹹檸七，杯嘢好大杯，一杯飲品，兩份飲都絕對夠飲，而珍多冰佢做得好好，唔會太甜又好咬口。
極品牛三寶湯河粉，一碗有齊晒多種口味，包括生牛肉，牛展，同埋牛丸，配上湯檬，份量非常大，而佢亦都會配埋啲辣椒同埋青檸俾我哋去調味，辣椒我就落咗一半都已經好辣，湯底亦都好濃郁好夠味。
朋友就點咗越或河內三寶飯，有豬扒雞翼同埋扎肉，偷食咗塊豬扒，先得好好，同埋已經醃咗香茅，香脆得來好Juice，如果個飯多啲蔥油會更Perfect。
小食配咗豬頸肉，只係加咗$32就已經有有好大碟，豬頸肉同樣出色，望落去好似賣相唔係太吸引，有啲乾嘅感覺，但係識落就完全唔一樣，肉質Juice，個皮煎剪得好香脆有炭燒感，唔使點甜酸醬已經好好味。
越式炸春卷$23有兩件，餡料夠多夠大份，而且熱辣辣，正！
埋單，每人大約$100，絕對係大件夾抵食。
张贴
