肚餓了串燒烤焗專門店 (已結業)

疫情終於冇咁嚴重可以出去食飯，所以去咗尖沙咀食串燒。朋友搵咗呢一間肚餓了串燒專門店，之前有食過今次encore，食物嘅質素仍然冇令人失望。首先嚟嘅係雞泡魚乾（$49），每次食串燒都會叫呢個雞泡魚乾去送啤酒。雞泡魚乾食落好香口，而且燒到微微焦香超正，用來做前菜一流呀。之後嚟嘅係柚子雞翼（$30）同埋鹽燒牛舌（$68）。柚子雞翼$30有兩隻，而且雞翼燒到仲好juicy，啲肉唔會燒到乾晒。而且配上柚子醬十分好食。柚子將會令到雞翼食落嘅感覺冇咁油膩。係一個好好嘅配搭。至於鹽燒牛舌同樣地用上厚切牛舌，牛舌上邊灑上鹽同埋黑椒一齊燒。唔使用好特別嘅調味已經可以帶出牛舌嘅美味。鹽燒秋刀魚（$38），秋刀魚係我另一個每次食串燒佢會叫既食物。但係以往食過既餐廳好多都處理得唔好，劏開咗個魚肚，搞到其他地方都變得好苦。好彩「肚餓了」冇搞到成條魚都變得苦。唔錯唔錯另外我哋今日仲特別叫咗個燒蠔拼盤（$178），個燒蠔拼盤有六隻，就會分別有齊以上六款唔同口味嘅燒蠔😌我自己就覺得蒜蓉燒同埋黑松露香菇醬燒蠔最好食。最後不得不提嘅就係蒜蓉茄子（$49），因為我本身係一個好鍾意食蒜蓉嘅人，呢個呢個蒜蓉茄子上面鋪上大量嘅蒜蓉