鳩戟

营业中

休息中

掃街點少得食番個甜品作結，行到二樓角角呢個位就有兩間甜品，由於掙扎得太耐要食Waffle定係梳乎里，最後不敵誘惑兩個都叫晒，哈哈開心死我。份梳乎里一叫完以為要等，諗住行個圈先番黎啦，點知佢就叫我number喇，好野唔洗等即食！呢份係Oreo餅碎梳乎里，餐牌上面啲名係同食物冇嘜關係，但係就睇得好有親切感。講番份食物，賣相超靚，而且啲餅碎係多到舖滿晒成份cake，係完全睇唔到個cake去左邊。個醬汁係流質既cream類，梳乎里係軟身既，入面空氣唔算多但又唔會太結實，仍然有軟綿綿既感覺，質感唔錯我就幾鍾意喇。配埋個雪糕，味道係每日精選，咁啱都係朱古力味，但同隔離窩夫唔同既係，呢個係軟雪糕！幸福既感覺呀一路食一路睇下啲文宣係好感動既。另外佢係有台灣手足製茶包沖既茶架，但咁啱今日賣晒，唯有下次再試。