Le Cafe (寶其利街)

营业中

休息中

周末約左朋友去黃埔睇戲，睇之前有兩個鐘時間可以坐低食野hea下，平時好少入黃埔，唔知有乜好食，即刻上網睇下附近有咩餐廳可以坐得耐d，最後搵到呢間Le Cafe。一去到就有位唔洗等，望下有乜食先，餐廳主打意粉，選擇相當多，亦有飯類同其他小食甜品。最後叫左番茄牛肋條意大利麵，香草茄汁酸酸甜甜，好開胃，份量剛剛好，每條意粉都掛到汁，唔會多到水浸。意粉雖不是al dente，但軟硬適中，唔會太淋。牛肋條夠腍而且相當入味，加幾滴辣椒仔仲正。凍咖啡的鮮奶分開上，咖啡豆選用意大利百年老牌LAVAZZA，酸苦度均屬中等，風味較平均，普普通通。餐廳係家庭式街坊生意，地方細細，聲浪頗大，坐得唔算舒服，而且半開放式廚房抽氣麻麻，原本想坐多陣，但最後頂唔順油煙味食飽就走。