御湯皇 (已搬遷) 新店位置

一壺35蚊有2碗飯碗容量咁多。日日唔同款。又夠熱又好飲，飲完又唔會好似出面餐廳飲完會口渴，姐係應該冇味精。可以堂食或者連保溫壺拎走第日還番，又或者嗌外賣。同屋企人飲左一排面色好左，感覺健康左。不過冇湯渣，店員話因為加左湯渣落個壺就其實冇乜容量裝湯。今時今日出面買杯咖啡珍珠奶茶都要3、40蚊，所以覺得35蚊買2碗煲10個鐘嘅老火湯其實都好抵又健康D。一般打工仔都冇時間心機煲老火湯，買湯包又唔係新鮮又要自己煲。