吃什麼 (已結業)

我同朋友都好鐘意食台式既蛋餅，黎左呢間吃什麼幾次，當朋友問今次吃咩，就會即刻諗起吃什麼 what to eat😋😋我地都好鐘意蛋的產品，所以好想試多d 蛋餅，今次就揀左芝士蛋餅🧀同埋肉鬆蛋餅🐷，單憑外形係分唔到兩款既，要夾開先知係咩黎🧐🧐芝士蛋餅唔算太多芝士，岩岩好，唔會太漏，又拉到dd 芝👍🏻 個肉鬆蛋餅好足料，d 肉鬆好多，又鬆化好味，同蛋餅幾夾食左兩個蛋餅我地兩個就食唔到每人一個主食，就share 左一個鹽酥雞飯，佢呢到既配料好足，飯面有少量肉燥，再有好多粒雞，有兩片墨魚腸，又有青瓜同微辣既粉絲（佢d 配菜應該會轉，上次食係油麥菜，份量都唔少架）食完兩個蛋餅加一個飯好滿足，下次會再黎，但佢位置唔多，要排隊同埋人齊先有得入，大家要留意返