環境以懷舊香港風格，美食中西日交雜，場內氣氛高漲，負能量瞬間消失。
菜名好很長玩味十足，味道比期望中更好，此乃好友飯聚開心盡興的好地方。
脆炸蟹肉飯波配浙醋泡沫 $88
飯波脆卜卜外脆內軟，內餡充滿絲絲蟹肉鮮味，醮下浙江醋汁中和下油膩。
葱油涼拌泰國王鱔，配醬油漬牛油果，萵荀沙律 $128
味道清新，鱔肉爽口窩荀鮮嫩爽脆，夏天作為涼伴小食唔錯。
24小時慢煮伊比利亞叉燒，玫瑰露九龍園豉油皇鹵獅頭鵝肝配溫泉蛋，香噴噴豬油撈飯 $188
想信係黯然銷魂飯升級版，半肥瘦叉燒厚切肉質軟腍，邊位有似食燒鵝皮般的焦油香。鵝肝入口即溶，飯粒粒分明，撈豬油的確幾香，而且比想像中無咁油膩，ＫＯ成碗飯無難度。撈埋溫泉蛋食更是完美配搭，蛋香四溢每啖飯都好滑好多汁，閉上眼感覺幸福來了！
香辣白胡椒，白味噌煮紐西蘭鑽石蜆及粉絲 $168
大蜆十隻鮮甜多肉，胡椒味噌湯味濃，非常醒胃好飲，粉絲索晒埋湯汁食，正呀！
奶醬西式油炸鬼，花生朱古力醬，焦糖煉奶 $98
油條酥脆，味道來自雲呢拿雪糕、花生朱古力醬和煉奶，甜美好味慢慢歎！
總結：環境食物一樣咁正！
