麻布茶房 (已結業)

去到尖沙咀，撞啱見到麻布茶房，於是走入去試一試...果樹本來環境唔錯，窗口可以望見海景，應該係幾舒服先啱，內裏裝修亦唔太差，只可惜係清潔有啲問題，地下好似痴笠笠咁，枱面又唔見抹得乾淨，清潔程度比一般茶餐廳更不如，真係要改善啦...order咗一客宇治金時刨冰，等咗冇耐，有得食喇，size比想像中嘅大碗，食落有好香濃嘅綠茶味，上面嘅cream亦好滑，甜度適中，大熱天時，一定好消暑...不過，我嫌佢哋價錢略貴咗啲，可以平返啲就好啦...後記：不得不提嘅係後面果杯綠茶，好清新好好飲...