翠林冰廳 (已結業)

見河畔新開左間茶記就黎試試佢，佢好特別，估佢唔到竟然有口水雞同酸菜魚食！疫情關係慣左外賣，有番堂食都係近近地外賣番屋企試試佢，我地叫左半隻口水雞，細既酸菜魚，同埋好想食炸髀，所以就叫埋！佢仲有個一口西多岩哂我呢d懶人，簡簡單單又解決一餐！佢個口水雞勁惹味，麻同辣味都適中！食落送飯一流！酸菜魚d魚都有好多，係哂底，一d都唔姑寒，又係送飯一流！估唔到夜晚都有全日茶餐咁抵～又有炸髀同西多，一口西多岩哂懶人！又好食！呢間性價比都幾高，值得番撻！