MOO Beef Cafe (已結業)

都好耐無入過將軍澳，今日約左個老朋友，就吓佢，去佢樓下，佢帶我去一間較新嘅小店食個午飯。朋友話佢係依度嘅常客，食物無味精健康啲！由於我介緊殿粉質，所以多數都只食菜同肉，依度都有不少選擇。 我選擇左凱撒大帝沙律加配牛扒 （$98）,另外都可以選配燒雞胸，煙三文魚或蟹肉餅。 點嗰時，待應問我牛扒想幾成熟,今日想食生啲，我話五成，都好surprise佢真係做到，唔會過熟！都有成五件，每件唔會太薄，咬勁十足，而沙律菜挺多的，而且十分新鮮，另外仲有鷹咀豆，小蕃茄等增添口感，附上嘅沙律汁十分開胃，少少酸而且唔會太傑身，為這沙律增添不少色彩美味！其實估唔到依間食店食物質素高之餘，座位都幾好坐幾寬敞，燈光又足和裝修年輕化，我地坐左成三個鐘，啲服務員都好好，面掛笑容幫忙加水等等，CP值咁高餐廳真係要推介俾大家！