No. 5 Lounge (已結業)

其實做觀塘友真係好幸福，因為觀塘重建開始左之後，真係多咗好多好嘢食。今日我同屋企人又嚟觀塘搵食，見到呢間食店環境唔錯，又有沙發坐，所以就決定喺度嘆番個午餐。媽咪叫咗個意式餡餅套餐，麵包揀咗提子合桃包，非常健康！個餡係吞拿魚碎蛋沙律，媽咪食到舔舔脷，話啲吞拿魚碎蛋好滑又多汁，口感豐富非常好味。我就叫咗個pizza combo：Parma ham pizza, 佢嘅Parma ham 油份好夠，配上芝士等其他配料, 令人一試難忘。飲品方面媽咪飲熱情果梳打，好解渴降火！我就叫咗個detox tool, 用新鮮蘋果嚟做，一個字：正！