六合小廚 (已結業)

今日我喺尖沙咀放工，之後就同我個好學生去食飯。我哋行完Harbour City之後，經過見到呢間餐廳，就去試下喇。我哋睇完個餐牌，發現有太多選擇，我哋兩個人咁啱都有選擇困難，所以就叫咗個二人餐，唔駛煩。個餐有湯、蒜蓉蒸海蝦、帶子炒西蘭花、叉燒拼切雞、跟埋靚仔兩個。個湯都幾好味，有落足料。而個蒜蓉蒸海蝦啲蝦好新鮮，配上蒜蓉以及粉絲底，好惹味。個帶子炒西蘭花亦唔錯，啲帶子都幾大粒，亦唔會有雪藏味。而個叉燒拼切雞都好唔錯，特別啲叉燒半肥瘦啱晒我。整體來說，每個餸嘅份量都足，我哋兩個女仔盡量食，但結果都係食唔晒成個餐。