一碗麵 (已結業)

颱風前夕個個都出去買物資儲糧食，一個颱風搞到好似準備打仗走難咁😂 不過暴風雨前夕通常都係平靜既，趁仲係風和日麗就出街食下野。本身想去附近既cafe點知無開，行下行下就行到黎「一碗麵」。menu好簡單，大概有十幾款麵同少量小食選擇，價錢都偏高，最平一碗麵都要$100，最後點左佢地既signature牛肉麵盛惠$150。不過老實講真係食唔出點解值$150，牛肉係幾腍身，都幾大舊，麵就正正常常算彈牙，湯底唔會好鹹，飲多幾啖都無口乾。以牛肉麵黎講質素算幾好食，不過值唔值$150一碗就真係值得相確啦～