十二味 (新都城中心一期) (已結業)

食晏時間喺寶琳站附近，記得呢度有「十二味」嘅分店，印象之中味道幾好，咁就行過去開餐😆叫咗$56嘅午市套餐「麻辣牛肉香鍋」，包一小碟黑木耳前菜、白飯，跟餐加$8叫咗杯「熱情果梳打」；另外加$98要咗「川香回鍋肉」😋「麻辣牛肉香鍋」叫咗小辣，真係做到小麻小辣，感覺落咗好多香料，味道濃郁；牛肉幾軟熟，仲有多種配菜例如大豆芽、黑木耳、芫荽、蓮藕、同埋唔少得嘅紅辣椒，真係落足配料，好味😋「川香回鍋肉」都係要咗小辣，豬肉切薄片，加大量香蔥同紅辣椒一齊炒，豬肉大約7分瘦3分肥，幾香口😋；食得辣嘢多，到最後加咗罐$20嘅「百分百純椰青水」解渴😋