燈籠滷味 (登龍街) (已結業)

自從幾年前（嗰次呢）開始就好少再去朗豪坊呢個商場。今次因為要有啲事辦，所以順便都搵下有咩好食。喺開飯app上面搵到呢一間食台灣嘢嘅店舖，平時我嘅路線都唔容易食到台灣嘢，所以異常興奮。然後我居然冇失望。最期待嘅嘢係我去台灣一定要食嘅蛋餅. 呢樣嘢唔容易整得唔好食，甚至乎我呢啲地獄廚神買現成嘅都可以整到。但就係喺香港可以食到台灣嘢，當冇得去台灣嘅時候特別感動另外呢間嘢有個鹵味喺名道，所以細胃嘅我都夾硬叫兩樣鹵味嚟食下。包括鴨血（我唔肯定自己有冇食過鴨血但同店員確定它會同豬紅相似之後我就安心點餐）同埋店員介紹嘅水蓮（水蓮個樣有啲似好幼嘅韭菜但係食落去好易入口並冇任何韭菜嗰種辛辣嘅味道）熱飲叫咗蘋果雪梨茶。店員有細心問我要唔要半糖微糖之類。但係我以為熱飲正常甜味我ok.但嚟到之後我非常後悔因為甜到有啲痛苦。。而家因為衛生嘅關係加咗好多圍板。雖然大家都坐得好近，但心理上都覺得安全嘅。但係就有少少阻礙咗店舖嘅有趣裝潢。只能夠希望疫情快快過去啦~