嵐橋丼飯專門店 (已結業)

呢日放工之後同男朋友去左尖沙咀呢間日式餐廳食dinner。我地點左北海道蟹丼，呢個北海道蟹丼好豐富，入面有蟹膏味噌蟹蓋、松葉蟹鉗、油甘魚、三文魚、帆立貝、松葉蟹肉、三文魚子同埋海膽，一個丼飯滿足多個願望。啲刺身好新鮮，海膽好肥美，蟹膏撈埋啲飯食一流。另外仲有鯛魚湯鍋燒烏冬，喺入冬既季節食返一碗熱騰騰嘅烏冬俾人一種好幸福嘅感覺，烏冬落咗一啲家常嘅材料，好似有四季豆、金針菇、蘑菇、再加上魚肉，每一啖湯都係咁多種食材加埋既精華。啲串燒都好正。