點心廊 (已結業)

對上一次食點心都已經係一個月前，估唔到一個月之後會喺山頂廣場一樓依間點心廊食點心。喺山頂影吓相嘆吓風景，有少少肚餓就喺附近搵啲嘢食。山頂廣場依度都幾多嘢食，如果唔想食連鎖店都可以留意吓新餐廳。依間新餐廳嘅點心都唔錯，而且侍應嘅效率都好高。唔使等好耐就有得食。酥炸雲吞即叫即炸非常香口，脆卜卜口感，真係不錯。鹹水角即叫即炸嘅嘢食深得我心，因為香脆嘅感覺真係好上癮。一啖點心一啖茶，再望埋咁靚嘅風景，確實唔錯！