PONG LKF (已結業)

相信大家喺呢啲節日都一定會去蘭桂坊度慶祝㗎啦。所以今次就同朋友去咗一間位於蘭桂坊嘅酒吧食吓佢啲嘢食係點，餐廳名叫PONG LKF。其實我覺得餐廳嘅環境氣氛都真係幾足夠㗎，唔單止燈光比到一種夜生活嘅感覺，另外環境嘅空間都相當足夠。Margherita Pizza首先想介紹嘅就係呢一個Margherita Pizza，我自己都幾鍾意啦。睇落唔單止足料，另外佢芝士嘅份量真係好多，好容易就做到拉絲嘅效果，趁熱食嘅感覺真係好正。Deep Fried Garlic Calamari跟住要介紹嘅就係呢個炸魷魚圈，本身好少機會係酒吧到食呢樣小食。今次比我嘅體驗其實都真係幾有驚喜，魷魚圈食落夠晒彈口，而且粉漿夠薄，唔會破壞口感。 Margarita食完 Margherita Pizza，唔爭在要一Margherita cocktails。我自己覺得呢杯Cocktail都幾易入口，龍舌蘭嘅味道再配埋Fresh Lime juice，比我嘅感覺其實都幾輕盈。係一杯幾適合大眾飲嘅 cocktail。如果大家呢排都喺蘭桂坊度慶祝嘅話，不妨嚟試吓呢間餐廳呀。