帝樂 - 德國餐廳 (已結業)

星期六下午，突然想吃tea buffet，於是去了此餐廳。其實之前都去過赤柱的分店，覺得唔錯，但聽過人講尖沙咀的更好吃和多選擇，所以試下。一入到去，環境一定冇赤柱的沙灘景，但裝修亦有另一種感覺。坐下來，二話不說即去看一看食物，果然，食物種類比較多，連赤柱沒有的豬手亦可任食，不過有一些甜品就沒有了，例如心太軟。之前已想吃這裡的豬手，既然可以任吃，當然不客氣，一口氣了好多件，配啤酒，豬手剛炸好，非常熱(氣)，皮夠脆，配啤酒真係非常正，同埋炸薯條，薯塊，出名的香腸，我也不理脂肪問題，食了才算，不過雞翼就沒赤柱那麼好吃，無味，自由配搭的意粉又不太好吃，可能今次選了白汁。不過，甜品就比赤柱的好吃，還有一款，我認為是必試的是cheese toast，即製的，溶芝士加在火腿脆多士，真是想食完再食，南瓜湯亦好喝。整體來說，這裡比赤柱的好，以這個價錢可以食3小時，真係超值，我諗唔到唔試的理由。補充一點，他們的refill 速度真係快到你唔信，還未吃完的款式，就立即refill，真係怕你等太耐咁，服務亦唔錯。有機會一定再去食。