客家人窯燒雞 (已結業)

呢間位於元朗嘅客家人窯燒雞，用瓦缸窯雞係香港真係好小地方有，鍾意食雞嘅朋友仔可以留意下。呢間舖頭主要做外賣多，都見唔少人先打落去電話預訂隻雞😆去到就唔使等。叫咗佢哋嘅招牌菜式窯燒雞，原隻燒嘅燒雞真係好吸引😍，用呢個方法燒雞火候應該控制得幾好，因為受熱均勻，令到佢肉汁豐富，雞肉口感鮮嫩，外賣拎到返屋企仲係好熱😳，用鉸剪剪開隻雞啲肉汁已經漏晒出嚟🤤，呢隻雞其中一個出色位就係佢哋嘅雞皮燒到好薄而且幾香脆。佢哋除咗有燒雞食之外，都有唔同嘅小食可以嗌，見到佢哋有燒賣就叫咗嚟試下，估唔到個口感又幾特別🤭