龍門客棧 (麗豪酒店) (裝修中)

除夕日周圍搵嘢食都好多人，又要排隊，麗豪酒店呢間上海菜館，好彩仲有得book位，一行五人一張圓枱，店內環境舒適，地方闊落，佈置優雅，非常有中國特色。我們叫咗兩籠小籠包，一客生煎包，一客鍋貼，上海鹹肉炒飯，上海擔擔麵，炸銀絲卷，也點了個港式點心~蒸排骨。小籠包皮薄餡靚熱辣辣，不錯呢。生煎包個底煎得非常香脆可口，餡料也很豐富。鍋貼也煎得不錯，內裏豬肉餡料很新鮮呢。鹹肉炒飯很大碟，廚師炒得有一手功夫，一點也不油膩。擔擔麵每人可以分到一大碗，花生醬料很豐富，但味道鹹了一點。炸銀絲卷大大條配煉奶，還有港式蒸排骨，都林唔韌，用南瓜放底索曬啲排骨汁，好味。