一葉台灣料理

营业中

休息中

鰂魚涌隱世台式餐廳在芬尼街的小巷，裏面有一間隱世台式餐廳，食物價錢貼地，性價比非常高。三個人食，都係二百幾蚊，食得飽飽的，本人還有一杯飲品呢！蚵仔煎蛋：好大碟下，而且蚵仔都唔算少，煎得香，少少脆。番茄牛肉麵：呢個好食在於湯底夠香濃，蕃茄味好出，麵條亦彈牙，最正係牛肉係非常非常林，雖然每件都大大嚿，但件件都入口即溶，好神奇啊！一定係花咗好多時間去炆林佢，所以先又林又入味。台式擔擔麵加雞排：台式擔擔面有少少辣，但唔會過分。雞排炸得酥脆之餘，唔會油林林，亦都大塊、厚肉。飲品方面，主要都係台式奶茶，我哋叫咗台式珍珠奶茶、芋香奶茶加珍珠、豆漿。佢哋啲珍珠奶茶都幾好飲，唔會太甜，我冇叫到少甜架！而且珍珠非常彈牙，口感唔錯，好有趙口，份量仲好多添！芋香奶茶有陣陣芋香，一樣好飲。