沙嗲王 (已結業)

上網見到沙嗲王推出左用比卡超黎做主題既食物，覺得好新穎有趣，就諗住黎試下啦。用呢個主題既食物有3款，我地就3款都叫晒。咖哩豬扒飯: 你一定會問D 豬扒去左邊，哈哈，你只要切開比卡超塊面就見到架啦。佢塊面係用加左黃薑粉既飯整，而對耳仔就係用黑糯米整，至於醬汁就揀左蕃茄咖哩汁，不過可惜唔記得影相。煙肉腸PIZZA: 迷李PIZZA，細細份，好得意，D 腸亦都唔係太鹹，但係除左支牙簽係印左比卡超之外真係無咩野同比卡超有關。雪榚千層酥+ 布甸: 雪榚只係好一般既雪榚，至於千層酥，都幾好味，布甸一向都係我既至愛，我覺得幾好。係呢到食到呢D咁得意既野真係開心，唔知第日會唔會出第2D 主題既食物呢?