agnès b. DÉLICES (已結業)

中秋期間，試過agnès b. DÉLICES 嘅「朱古力月餅」，最後嘅評語喺有質素，有心思，絕對喺高水準嘅朱古力，所以，今次獲老死所贈agnès b. DÉLICES嘅夏威夷果仁巧克力餅乾（Chocolate Macadamia Nut Cookie），著實幾期待 。以長形紙盒作為包裝，「一身」古銅色，一盒曲奇內有10塊，成盒淨重150g，塊塊有成個一般茶杯杯口咁大，不過外觀「黑掹掹」，唔多討好。而且唔喺獨立包裝，所以開封後最好盡快食晒。 夏威夷果仁巧克力餅乾 雖則中文用上餅乾一詞，但英文則以曲奇稱呼，口感喺如假包換嘅曲奇，咬落幾鬆脆，朱古力味超強勁，翻睇個成份，裡面排第二嘅喺黑朱古力，佔嘅比重唔少，有19% ，怪唔得咁濃郁，此外，除曲奇本身喺朱古力味之外，內裡仲有啲朱古力粒，真喺足以冧死啲朱古力死硬粉絲 ；而第三重成份喺夏威夷果仁，佔16%，果仁碎佈滿曲奇內，啖啖都咯咯聱，口感脆搉搉（音：clock，唔喺摧，喺搉）；再睇埋其他成份，加咗唔少化學劑，所以少食多滋味，多吃唔會壞肚皮，不過就無乜益啫！最後諗咗好耐，只喺俾個OK佢，都喺因為佢有太多化學成份嘞！