夢工房西日料理 (已結業)

上星期係好友生日，大家都住葵青區既關係，就約左係葵芳食飯，方便大家搭車麻.。約左9點係餐廳門口等，到左先記得之前都黎過呢間食，不過之前就食lunch，唔知晚市既磯燒放題又點呢？餐廳座位寬敞，坐低傾計都舒服。太餓了，一坐低已經即刻要寫野食，四個人食，乜都食得晒啦。仲寫緊野食時店員就比左我地一份譏燒材料，睇落已經好吸引了。我最鍾意食海鮮啦，隻蝦有手掌咁大，扇貝同蜆都好新鮮。食放題，刺身同壽司一定要叫啦，呢幾款都不錯的，我自己最鍾意食甜蝦，夠鮮甜！其他熟食都很不錯的。特別要提呢個蒜香生蠔，蠔唔會好細隻冇肉，而且上面鋪滿晒蒜，我覺得太出色了。埋單原本每人200左右，好友生日要請埋佢啦，咁都唔係好貴啦，又有咁多野食選擇，其實仲有好多飲品同自選甜品，但我掛住食忘記拍照了，哈哈。