影片
更多
2009-08-02
96 浏览
因工作關係, 今日要到灣仔一客戶公司做嘢... 搞到成19:00先收工... 仲鬼咁肚餓~ 但係因為太攰嘅關係, 實在冇乜胃口~ 行吓行吓, 行到灣仔街市~ 見到有間嘢個招牌好光, 好多人圍住個門口, 我再抬高頭望吓, 原來係包點皇... 行近d就聞到一陣好香嘅煎嘢味, 搞到愈嚟愈餓... 原來係窩貼~ 諗住買盒嚟試吓, 點知行到埋去最後一份已經俾人買咗~ 唉! $10/4隻... 好似好好味咁, 見到d人買親都2盒... 下次要早d去先得!! 雖然買唔到窩貼, 咁都8吓有咩食啦, 鬼叫肚餓咩... 唔8都好哋哋, 點知唔覺唔覺咁就買咗一大盒包... - 燕麥饅頭 ($10 / 3 個)好有咬口, 充滿麥香! - 白饅頭 ($10 / 3 個)唔太甜... 好清~ 食完個口唔會有酸味! - 壽桃包 ($5 / 個)蓮蓉實在香到不得了, 旦黃又好軟, 唔似得其他酒樓嘅咁, 一咬落去硬到死~ 原來, 聽d店員講, 仲可以預早一日訂購! 如果屋企有老人家生日, 最好就買盆紅當當嘅壽桃包tum吓老人家啦! - 菜肉包 ($4 / 個)多汁! 好鮮味! 肉同菜嘅比例適中... 非常足料!!
行吓行吓, 行到灣仔街市~ 見到有間嘢個招牌好光, 好多人圍住個門口, 我再抬高頭望吓, 原來係包點皇... 行近d就聞到一陣好香嘅煎嘢味, 搞到愈嚟愈餓... 原來係窩貼~ 諗住買盒嚟試吓, 點知行到埋去最後一份已經俾人買咗~ 唉! $10/4隻... 好似好好味咁, 見到d人買親都2盒... 下次要早d去先得!! 雖然買唔到窩貼, 咁都8吓有咩食啦, 鬼叫肚餓咩... 唔8都好哋哋, 點知唔覺唔覺咁就買咗一大盒包...
- 燕麥饅頭 ($10 / 3 個)
好有咬口, 充滿麥香!
- 白饅頭 ($10 / 3 個)
唔太甜... 好清~ 食完個口唔會有酸味!
- 壽桃包 ($5 / 個)
蓮蓉實在香到不得了, 旦黃又好軟, 唔似得其他酒樓嘅咁, 一咬落去硬到死~
原來, 聽d店員講, 仲可以預早一日訂購! 如果屋企有老人家生日, 最好就買盆紅當當嘅壽桃包tum吓老人家啦!
- 菜肉包 ($4 / 個)
多汁! 好鮮味! 肉同菜嘅比例適中... 非常足料!! 果然係招牌包!!!
- 芋茸包 ($4 / 個)
店員整力推介!!! 佢哋標榜係自己買芋頭返嚟磨的, 最重要係絕不含人造食素, 起初, 我不相信, 但一meet開就聞到好香嘅芋茸味, 同埋, d餡係芋頭本身嘅紫色!!!! 真係完全冇落食素! 甜味適中~
其實自上次我家姐喺包點先生買咗個芋茸包俾我食之後就有點恐懼!! 因為, 全個包都係紫色, 係"人為"嘅紫色!! 好彩最後冇食到~ 諗落食咗唔死都一身潺~
- 南瓜紫米包 ($4 / 個)
好香~ 好有咬口~ 南瓜餡又多, 唔太甜!
- 流沙奶黃包 ($4 / 個)
嘩~ 呢個流沙奶黃包唔知想點, 一meet開, d奶黃就流緊出嚟~ 果然!! 名副其實 - 流沙奶黃!!
- 香蔥花卷 ($4 / 個)
一定要撰個多蔥ga~ 咁先夠香口~ 但係好似咸咗小小~
- 豆沙包 ($4 / 個)
好重紅豆味~ I like it !!
Overall, 計落都好抵~ 足足可以食3日!! 可惜... 買唔到窩貼, Anyways, 包點皇! I'll be BACK~
张贴
