久仰大名嘅小店，終於搵到機會食啦
夜晚7點去到都已經有人龍排隊
個到排隊都有比蚊咬左幾啖
未食飯已經要先餵蚊🥲🥲
我地兩個人好似等左25分鐘就有位
兩個人要搭枱，入面環境就比較狹窄
咖喱豬扒飯 $93
一嚟到真係會比佢既份量嚇親
應該係有兩塊豬扒，重要係好厚
炸得岩岩好，唔會乾重要淋身，超好味！
不過一嚟到超熱，要小心唔好即刻放入口
咖喱就正常，不過就比一般茶餐廳辣少少
成個配搭超好味！真係無令人失望！😋
套餐+$10（有一碟油菜同一碗湯）
個例湯係好好飲，好有味又唔會太鹹
重有2-3舊雪耳
個人認為佢地既例湯都係必叫🤤
1
乾炒牛河 $87
嚟到又係先比個份量嚇親
睇到好有光準，而且唔係出面咁炒到黑蚊蚊
牛肉都係淋身，份量都唔少，好足料
都係食過最好食既乾炒牛河！🤩
雖然要排隊，但都係值得再去既小店！
