The Stadium (已結業)

去觀塘拎完貨搵地方食飯，朋友話食過附近有間美式餐廳幾好，地方大又有outdoor坐，所以坐低左。 火辣水牛雞翼雞翼幾大隻，肉質幾嫩，紅汁夠多又入味，不過藍芝士醬可以多d，同配返西芹條(生紅蘿蔔條就免喇🤣)會更好。 芝士棒拼粟米金塊炸得幾好，芝士同炸皮冇分離到，個粟米金塊有驚喜，入面好似粟米湯咁嘅味，食落好愉悅。 愛國者漢堡包好soft, 蔬菜幾新鮮，漢堡扒夠juicy, 洋蔥同塊扒好夾，又有芝士同蛋，所有野夾埋食落好滿足。 雖然地理位置一般，但個場好大又舒服又有outdoor. 如果住鄰近地區都值得成日去，鍾意睇波應該幾好feel👍沙律菜幾新鮮，但個個都配同一款就爭d，因為食Buffalo wings 配西芹條先完滿。