意樂餐廳 (曼坊)

营业中

休息中

嗰日去搵朋友一齊食飯，佢就推介左意樂：咁一去到兩個人都睇中左個黑松露炒飯，跟餐有嘢飲我就飲咗杯奶茶。然後再叫個芝士薯條。個黑松露炒飯有煙肉有蘑菇，煙肉同蘑菇嘅味道我食得出。但係落足咁多黑松露落去我係小小味都食唔出。香味來講呢算係中規中矩啦。個飯係好大份嘅，一個普通嘅炒飯來講呢算係值回票價。但係$43唔使旨意食到啲好靚嘅黑松露炒飯。芝士薯條個方面呢，薯條粗身咬落去啖啖都係薯仔，但係數量呢就少咗啲。芝士醬係非常之足料嘅，好大盤。食得出嘅芝士味有巴馬臣芝士同埋車打芝士。食完啲薯條仲剩低半盆芝士醬，最後可以拎佢嚟撈飯。不得不提芝士醬配黑松露炒飯，其實個口感都唔錯。