三河屋 (已結業)

其實我都好似其他人咁, 一開始見三河屋門面咁樣, 以為佢好食極有限, 所以搬黎近一年都冇同老公試過三河屋, 但成日晚上經過又見佢咁多人, 好多時重排隊添, 就諗... 好好醜醜都要食一次嘛!第一次自己去試食, 穩穩當當叫一客鰻魚定食, 水準中規中矩, 但聽到隔離兩個女仔話啲冷麵好好味, 我就第二日就同老公黎試下食dinner我哋一齊叫咗冷素麵($38), 關東煮(全煮)($38), 小茄子($28), 雜錦天婦羅($38), 都覺得好有日本風味, 好好食, 特別係個冷素麵, 真係好得!!如果有人話我知邊度d冷麵好食過呢度, 我一定去試!!