影片
更多
2023-05-01
137 浏览
九龍城出名食泰國菜相信大家都知，今次去就同朋友簡咗間叫小曼谷海鮮燒烤屋嘅餐廳食晚餐~我哋夜晚7點30入到去都差唔多全場滿座，而且有駐場歌手彈唱泰國嘅歌，氣氛相當熱鬧。我哋用QR code落單，Order咗幾款食物。泰式馬拉盞炒通菜$108每一次食泰國菜都必點嘅馬拉盞炒通菜，佢炒得好香口惹味，通菜都好爽脆，好食😋串燒拼盤$122另外泰式串燒都係必叫，我哋就叫咗個拼盤B，有6串串燒，分別係雞全翼、泰式臘腸、豬、牛、雞同雞腎。佢都燒得幾好，唔會燒到乾柴柴咁，配上泰式沙嗲醬一流呀~ 我個人特別推介係泰式臘腸同爽口嘅雞腎串，令人回味無窮牛油蒜蓉燒蟶子$178蟶子都味道好鮮，食落去爽口彈牙，無燒過龍，蟶子上面加啲脆口嘅炸銀魚仔令味道配搭都有驚喜，配上泰式辣汁，估唔到又幾夾~👍🏻泰式燒牛仔骨$78佢嘅牛仔骨都唔錯，肉都仲幾嫩口juicy，配上佢個醬汁，都好味~冬陰公湯(S)$148最經典嘅泰國泰冬陰公湯又點可以唔叫呢~入面有大頭蝦2隻同好多菇菌，以及香料。酸酸辣辣咁令人欲罷不能，越飲越上癮。佢細心嘅喺有個爐仔令個湯保持熱度，飲足我全晚呀😆泰式蟹肉煲仔翅$108見到佢餐牌有特別介紹呢嗰煲仔翅就叫咗試試
我哋夜晚7點30入到去都差唔多全場滿座，而且有駐場歌手彈唱泰國嘅歌，氣氛相當熱鬧。
我哋用QR code落單，Order咗幾款食物。
泰式馬拉盞炒通菜$108
每一次食泰國菜都必點嘅馬拉盞炒通菜，佢炒得好香口惹味，通菜都好爽脆，好食😋
串燒拼盤$122
另外泰式串燒都係必叫，我哋就叫咗個拼盤B，有6串串燒，分別係雞全翼、泰式臘腸、豬、牛、雞同雞腎。佢都燒得幾好，唔會燒到乾柴柴咁，配上泰式沙嗲醬一流呀~ 我個人特別推介係泰式臘腸同爽口嘅雞腎串，令人回味無窮
牛油蒜蓉燒蟶子$178
蟶子都味道好鮮，食落去爽口彈牙，無燒過龍，蟶子上面加啲脆口嘅炸銀魚仔令味道配搭都有驚喜，配上泰式辣汁，估唔到又幾夾~👍🏻
泰式燒牛仔骨$78
佢嘅牛仔骨都唔錯，肉都仲幾嫩口juicy，配上佢個醬汁，都好味~
冬陰公湯(S)$148
最經典嘅泰國泰冬陰公湯又點可以唔叫呢~入面有大頭蝦2隻同好多菇菌，以及香料。酸酸辣辣咁令人欲罷不能，越飲越上癮。佢細心嘅喺有個爐仔令個湯保持熱度，飲足我全晚呀😆
泰式蟹肉煲仔翅$108
見到佢餐牌有特別介紹呢嗰煲仔翅就叫咗試試，煲仔翅入面有大大片嘅翅、瑤柱粒、冬菇等等，超足料，而味道就似香港碗仔翅，好好味
椰青$49
椰青都夠大個，唔錯！
珍多冰 $42
佢嘅珍多冰都落足料，飲到最後都有濃濃嘅椰汁味
张贴
